თბილისი (GBC) - საქართველოს დამოუკიდებლობის დღისადმი მიძღვნილი ღონისძიებების ფარგლებში, რუსთაველის გამზირზე სოფლის მეურნეობის სამინისტრომ სტენდი წარადგინა.
სტენდზე წარმოდგენილი იყო სახელმწიფო პროექტების ფარგლებში შექმნილი აგრარული მიმართულების საწარმოებისა და სასოფლო-სამეურნეო კოოპერატივების მიერ წარმოებული პროდუქცია.
სამინისტროს სტენდთან ღონისძიების სტუმრებს ქართული ყველისა და ღვინის ნაირსახეობების დაგემოვნებისა და შეძენის საშუალებაც ჰქონდათ.
სტენდზე ასევე წარმოდგენილი იყო მე-20 საუკუნის გამოჩენილი ქართველი მხატვრის, გიგო გაბაშვილის აგრარული თემატიკის უნიკალური ნახატები და ფოტომასალა.
ტენდი სოფლის მეურნეობის მინისტრმა, ოთარ დანელიამ დაათვალიერა და დამოუკიდებლობის მნიშვნელობაზე აღნიშნა.
მინისტრის განცხადებით, აგრარულ დარგს ქვეყნის წინსვლასა და ეკონომიკის გაძლიერებაში მნიშვნელოვანი როლის შესრულების პოტენციალი აქვს. სწორედ ამიტომ, სახელმწიფო არაერთ ხელშემწყობ ღონისძიებას ახორციელებს აგრარული დარგის განვითრების მიმართულებით.
სიახლეები
